Увс аймгийн Засаг даргын тамгын газрын Хууль, эрх зүйн хэлтсээс өгсөн хүсэлтийн дагуу 2026 оны 10 дугаар сарын 05-ны өдөр тус аймгийн төрийн албан байгууллагуудын дарга, захирал, эрхлэгч нарт "Хөдөлмөрийн харилцаан дахь хүний эрхийн анхаарах асуудлууд" сэдвээр сургалт зохион байгууллаа.
Сүүлийн 10 жилийн байдлаар Монгол Улсын Хүний эрхийн Үндэсний Комисст иргэдээс гаргасан гомдлын 17.3 хувь, Комиссын Увс аймаг дахь референтэд ирүүлсэн гомдлын 43.9 хувь нь хөдөлмөрлөх эрх зөрчигдсөн, ажлын байрны дарамт, хүчирхийлэлд өртсөн талаарх гомдол эзэлж байна.
Увс аймгийн Нутгийн удирдлагын ордны Иргэдийн оролцоо хуралдааны танхимд зохион байгуулсан уг сургалтад нийт 54 байгууллагын дарга, удирдлага оролцож, хөдөлмөрийн харилцаан дахь хүний эрхийн анхаарах асуудлын талаар мэдлэг, ойлголтоо нэмэгдүүллээ.
Сургалтын үйл ажиллагааг зохион байгуулахад дэмжлэг үзүүлсэн Увс аймгийн Засаг даргын тамгын газарт талархал илэрхийлье.
