ХЭҮК-ын дэргэдэх Хүний эрх хамгаалагчийн хорооны гишүүнд нэр дэвшигчийг Хүний эрх хамгаалагчийн эрх зүйн байдлын тухай хуулийн хүрээнд нийтэд танилцуулж, нээлттэй сонсгол зохион байгуулж байна. Энэ хүрээнд сонгон шалгаруулалтад оролцогчоор бүртгэгдсэн нэр дэвшигч Ч.Ундрахаас ирүүлсэн хүсэлтийн дагуу нээлттэй сонгон шалгаруулалт өнөөдөр /2022.10.03/ боллоо.
Хүний эрх хамгаалагчийн хороо нь Хорооны дарга, хорооны 6 гишүүний бүрэлдэхүүнтэй байх ба бүрэлдэхүүнийг Хуульчдын холбоо, Өмгөөлөгчдийн холбооноос санал болгосноор шууд томилох, үлдсэн 4 гишүүнийг ашгийн төлөө бус байгууллагын төлөөллөөс нээлттэй сонгон шалгаруулалтаар сонгохоор тус тус заасан байдаг.